Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Behobia-Donostia lasterketaren 42. ediziorako izen-emateak, Internet bidez, irailaren 11ean irekiko dira


2006-08-28 11:02



DONOSTIA, 28 (EUROPA PRESS)

Fortuna Kirol Elkarteak antolatutako Behobia-Donostia lasterketa herrikoirako izen-emateak aurreko urtetan baino dezente lehenago irekiko dira aurten. Lasterketaren 42. edizioa azaroaren 12an ospatuko da, eta izen-ematea Internet bidez bakarrik, irailaren 11ean hasiko da.

Antolatzaileek komunikatu batean argitu dutenez, aldaketa honen bitartez, dortsala denbora nahikoaz ziurtatu nahi duenari aukera eman nahi zaio, azken urteetan dortsal guztiak bukatu egin baitira, parte hartzeko gogo handia zuen jende asko kanpoan geratuz. Edizio honetan izen-ematea handitzea espero da berriro ere, 12.000 lasterkari arte.

Izen-ematea ohiko adostutako lekuetan urriaren 2an hasiko da, dortsalak bukatu arte. Internet bidezko izen-emateak www.behobia-sansebastian.com web orrian egin daitezke. Honela dortsala ordaindu (22 euro) eta dortsala ziurtatu daiteke, korrikalariaren poltsa: dortsala, Nike elastikoa, domina, e.a., beranduago, urrian banatuko da Forum Sporteko izen-emate lekuetan eta web orrian azaldutako epean.

Beste berrikuntza bat aurtengo lasterketan, Bultz Kirol Bidaiak, lasterketaren agentzia ofizialak, eskainiko du. Izen-ematearekin batera beste zerbitzu batzuk jarriko ditu parte-hartzaileen eskura www.bultz.net web orriaren bitartez irailaren 11etik aurrera ere.

Fortuna K.E.-ak eta Bultz Kirol Bidaiak agentziak lortutako akordia dela medio, parte-hartzaileek izen-ematearekin batera honako zerbitzuak eskuratu ahal izango dituzte: irteerarainoko garraioa (parte-hartzaile zein familiakoentzat), aldagelak eta arropa zaintza, bazkaria jatetxe edo sagardotegian, logelak, talasoterapia zerbitzuak, eta beste.


295 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin