Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Donostiako Zinemaldiak Zinema Eraikitzen 10 eta Zinema Mugimenduan 2 ekimenak antolatu ditu irailak 25,26 eta 27rako


2006-08-29 13:32

Lehena Tolouseko zinemaldi batekin antolatua dago eta zine latinoamerikarra bultzatzen du; bigarrenak zine magrebiarra lagunduko du Amiens eta Friburgoko zinemaldien laguntzarekin

DONOSTIA, 29 (EUROPA PRESS)

Donostiako Nazioarteko 54. Zinemaldiak Zinema Eraikitzen 10 ekimenaren hamargarren ekitaldia irailaren 26, asteartea, eta 27rako, asteazkena, antolatu du, eta bestetik Zinema Mugimenduan 2 irailak 25rako antolatu du, Zinemaldi donostiarreko iturriek jakinarazitakoaren arabera.

Toulouseko Zinema Latinoamerikarren Topaketek eta Donostiako Nazioarteko Zinemaldiak batera antolatutako ekimen honek, posprodukzio aldiari ekiteko zailtasunak dituzten latinoamerikar eta espainiar zinegile independenteen pelikulen amaitzea du helburutzat.

Bere hamargarren deialdian, ekimen honek Argentina, Brasil, Txile, Kolonbia, Costa Rica, Kuba, Ekuador, Espainia, Estatu Batuak, Frantzia, Mexiko, Paraguai, Peru, Suedia eta Uruguaiko 80 proiektu inguru jaso ditu.



Prozesu zinematografikoaren maila desberdinetako profesionalei (ekoizle, banatzaile, film-erakusle, industria tekniko, telebista, zine-jaialdi eta laguntza funtsetako ordezkariei) esklusiban aurkeztuko dira eta pelikulek nazioarteko zabalkundea izango dute Cervantes Institutuaren mundu mailako sarean.

Gainera, Zinema Eraikitzen 11 2007ko martxoaren 22an eta 23an egingo da Toulouseko (Frantzia) Zinema Latinoamerikaren 19. Topaketetan. Informazio gehiago lortu nahi duenak, Donostiako Zinemaldiko webgunera, www.sansebastianfestival.com helbidean, jo dezake.

ZINEMA MUGIMENDUAN 2

Bestalde, irailaren 25an, astelehena, Zinema Mugimenduan ekimena ospatuko da, hau da, Donostiako Nazioarteko Zinemaldiak, Amiensgo Nazioarteko Zinemaldiak eta Friburgoko Zinemaldiak 2005eko irailan abiarazi zuten Zinema Mugimenduan izeneko ekimena, Magrebeko eta portugaleraz mintzo diren afrikar herrialdeetako zinegileei zuzendutako urteroko hitzordu profesionala.

Ekimen honen bidez bidez, hiru zinemaldiok oraindik bukatu gabeko proiektuak eta pelikulak burutzeko bide berriak urratzen dihardute, orobat afrikar herrialde horietako, Europako eta Latinoamerikako profesional, enpresa eta erakundeen artean balizko zubiak eraikiz.

Proiektu eta pelikula hauek zinema-alor desberdinetako profesionalez osatutako ikusleei bakarrik aurkeztuko zaizkie irailaren 25ean. Hautaturiko zinegile guztiek Donostiako Zinemaldiak eta Tarifako Afrikar Zinemaren Erakustaldiak antolaturiko Zinema Mugimenduan urteroko biran parte-hartzeko aukera izango dute, Argentina, Kolonbia eta Mexikon.

Azkenik, Amiensgo zinemaldiak bere hurrengo ekitaldian aktore profesionalek eginiko gidoi-irakurketa bat eskainiko dio egitarauko proiektuetako bati. Zinema Mugimenduan ekimeneko proiektuak Zinemaldiko webgunean zehaztuta daude (www.sansebastianfestival.com) eta profesional interesdunek Zinemaldiko Sales Officerekin harremanetan jar daitezke (salesoffice@sansebastianfestival.com), honetxek antolatzen baitu banakako hitzorduen agenda.






191 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin