Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EBko Media programak milioi bat euro baino gehiago banatu zituen 2005ean EAEn ikus-entzunezko proiektuentzat


2006-01-26 17:46



DONOSTIA, 26 (EUROPA PRESS)

Media Antena Euskal Herriak, Donostian dagoen Media Programako informazio bulegoak egindako lehen balantzeak balioztatu berri du euskal enpresen proiektuetarako 1.095.249 euroko diru-laguntza banatu zela iaz Euskal Autonomia Erkidegoan.

Ekimen honen arduradunen arabera, Media (2001 - 2006) Programa europarraren helburu nagusia Europa osoan ikus-entzunezko industriari laguntza ematea da. Horretarako, 513 milioi eurotako aurrekontua dauka ikus-entzunezko merkatua indartzeko eta Europa osoan zehar aniztasun kulturala berresteko, ikus-entzunezko industriaren lehiakortasuna hobetzeko beharrezko baldintzak erakartzen dituzten neurriak giltzatuz.

Ekintza ildo desberdinen artean ekoizleentzako laguntzak sartzen dira barne, fikzio, dokumental, animazio eta multimedia proiektuen garapenerako deialdiaren bidez. Deialdi honetan, hainbat euskal ekoizleek 220.000 euro lortu dituzte bere proiektuen garapenerako.

Zehazki, zinerako fikziozko hiru proiektu daude: Alicia Producek ekoitzi eta Julio Medemek zuzenduko duen Caótica Ana, filmaketa aurten hasiko duena; Helena Tabernak zuzenduko duen Lamia Producciones Audiovisualesen La Buena Nueva; eta Carlos Juarez PC-ren Cámara oscura proiektua.

Dokumentalen generoaren barne, Aupa Etxebeste ekoiztu duen Irusoin etxeak ere laguntza jaso du Lucio proiektuarentzako, eta Animatu ekoizpen etxe bilbotarrak lortutako laguntza azpimarratu daiteke, Kukuxumusu mobile games proiektuarekin estatu maila osoan 2005ean multimedia proiektu batentzat eman den laguntza bakarra lortu bait du.

Europan ikus-entzunezko lanen zirkulazioaren arazoaren jakinaren gainean egonda, Viviane Reding Europar Komisariak, Informazio Gizartearen eta Hedabideen arduraduna, hainbatetan adierazi du jatorrizko herrialdeetatik kanpo banatzen diren filmeen %90 Mediaren laguntzarekin egiten dela eta gainera, Programa honek, gure filmeen zirkulazioari eta zerbitzu eta produktu digitalen erabilpenari Europatik laguntza ematea ahalmentzen digula.

Banaketaren ekintza ildoaren bitartez, bi banatzailek, Iruñako Golem eta Bilboko Festival Films enpresek, urte honetan guztira 689.249 eurotako laguntza lortu dute europar filme ez nazionalen banaketarako. Zenbait izenburu: Michael Hanekeren Caché, European Film Awardsen 2005eko edizioan bost sariren irabazle, Lars Von Trieren Manderlay, eta Fatih Akin, joan den urtean Gegen die wand/Contra la pared filmearekin europar filme hoberenari Goya saria eta Berlinen Urrezko Lehoia lortu zituen zuzendariaren Crossing the bridge: the sound of Istambul.

EUROPAR ZINEA

Euskal zinema eta ikus-entzunezko lanak sustatzeko helburuarekin Mediak ez ditu alde batera utzi ez gure ekoizpenentzako erakustoki diren zinemaldiak, ez zinema aretoak ere. Hortaz, Donostiako Nazioarteko Zinemaldiak laguntza jaso zuen 2005ean ere, eta Media Programaren laguntza duen Europa Cinemas europar zine aretoen sarearen bidez, lau zinema aretok, Bilboko Multicines eta Renoir Deusto, Gasteizko Florida-Guridi eta Iruñako Golem, 186.000 eurotako laguntza ekonomikoa jaso zuten beraien zinema aretoetan europar filmeen emanaldietarako.

Media Programaren etorkizunaJoan den azaroan, eta Erresuma Batuaren presidentziapean, Europar Batasunaren Kontseiluak MEDIA Programa 2007 berriaren Komisioaren proposamenari buruzko akordio politiko partzial bat hartu zuen.

Akordio honekin, Kontseiluak lehentasunak, helburuak, parte-hartze arloak eta Programaren modus operandia onartu eta mantentzen ditu. Onesteko zain dagoen gauza bakarra geroko aurrekontua da, hasiera batean 1.055 miloi eurotan kokatzen dena. Baina, horretarako, Kontseiluak 2007-2013 denboraldirako jarrera amankomun bat hartu beharko du EBko aurrekontu orokorrei buruz.

Erabaki hau aurtengo lehenengo seihilekoan eman liteke, Austriak Erresuma Batuaren ondoren hartuko duen Europar Batasunaren presidentziarekin bat eginez.


394 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin