Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ibarretxe lehendakaria izango da buru igande eguerdian Arriagan 2005eko Sabino Arana sarien banatze kultur ekitaldian


2006-01-27 13:19

Jordi Pujol, Jose Maria Setien, Andoni Egaña, Biarritza Ballet eta ONA Electroerosion dira aurtengo bost sarituak

BILBO, 27 (EUROPA PRESS)

Eusko Jaurlaritzako lehendakaria, Juan Jose Ibarretxe, izango da buru igande honetan, urtarrilaren 30ean, eguerdiko 12,00etan Bilboko Arriaga antzokian 2005eko Sabino Arana Sariak emateko ekitaldian.

Sabino Arana Kultur Elkargoak gaur igorritako komunikatu baten araberea, sarien XVII. aldi honetan honako hauek sarituko dira: Jordi Pujol Kataluniako Generalitateko President ohia, Jose Maria Setien Donostiako Gotzain Emeritua, Andoni Egaña bertsolaria, Biarritza Ballet deritzona eta ONA Electroerosion enpresa bizkaitarra.



Lehendakariaz gain, dagoeneko asko dira, herrialdeko politika, kultura, gizarte, ekonomia eta kirol munduko pertsona nabarmenak ekitaldira etorriko direla baieztatu dutenak. Besteak beste, Josu Jon Imaz, EAJ-PNVren Euskadi Buru Batzarreko lehendakaria, Bilboko alkate Iñaki Azkuna, Jose Luis Bilbao, Bizkaiko Ahaldun Nagusia eta Anton Aurre Sabino Arana Kultur Elkargoko ohorezko lehendakaria.

Politikaren arlotik egon diren beste baieztapen batzuk, besteak beste, Joxe Joan Gonzalez Txabarri, Izaskun Bilbao, Miren Azkarate, Gabriel Inclan, Josu Ortuondo edota Iñigo Urkullu dira. Andres Urrutiak, Ana Toledok eta Xabier Kintanak osatuko dute Euskaltzaindiaren ordezkaritza eta Adrian Zelaia, MCCkoa, Juan Ignacio Vidarte Guggenheim Museokoa.

Bilboko kontsuletxeetatik ere etorriko dira: Derek J. Doyle britainiar kontsula; Thierry Fraysee Frantziako kontsula; Boliviakoa, Fernando Gomez; Portugalekoa, Rui Casimiro Alvés Gomes, eta Peruko kontsula, Carmen Ezkurra.

Kataluniatik, Jordi Pujoli lagun egitera etorriko dira: Felip Puig, Convergencia Democrática de Catalunyaren Parlament-eko eleduna; Generalitateko Osasun Sailburu ohia, Xavier Pomés, eta Antoni Vives Ramon Trias Fargas Fundazioko zuzendaria.

Aurreko urteetan saritutakoen artean Cecilio Gerrikabeitia Bilboko Koral Elkarteko lehendakaria, Jesus Altuna arkeologoa, eta Karmele Goñi etnografoa, talde bakezaleetako Itziar Aspuru (Bakearen aldeko Koordinakundea), etab.

ATAL BAKOITZEKO SARITUAK

Sabino Arana Sarien XVII. aldi honetan Berezia atalean saritua Jordi Pujol izan da. Kataluniako Gobernuaren burutzan autonomia berrezarri zenetik izan duen ibilbidea nabarmendu eta esker ona erakutsi nahi izan dio Kultur Elkargoak, baita, beti aldeztu izan dituen askatasunaren eta demokraziaren bilaketa, tolerantziaren defentsa eta izan duen konpromisoa saritu ere.

Bizitza Osoan zeharreko ibilbidea atalean saria Jose Maria Setien Donostiako Gotzain Emerituak jasoko du. Soziopolitikako eta bakearen politikako gai handiek eta askatasunarekiko eta pluralismoarekiko begiruneak kezkaturik beti, haren gogoetak indarkeria-mota guztiekiko erabateko arbuioan egon dira oinarrituta, eta euskal gatazkaren konponbidea ere, elkarrizketa, egia eta justiziaren harroinetatik bilatu izan du.

Andoni Egaña bertsolaria izango da Gizartea ataleko saritua, bertsolaritza ezagutarazteko eta hedatzeko egin duen ekarpenagatik eta, horretara, euskal kulturaren tradiziorik herrikoienetako bat gizarte-gertakari nabarmen bihurtzen lagundu duelako.

Beste alde batetik, Kultura atalean Ballet Biarritzek jasoko dute saria, Filgie Claverie bere gerenteak ordezkaturik eta Adriana Pous. Sabino Arana Kultur Elkargoak Ballet Biarritz _ Nazio eta Mugazgaindiko Koreografiarako Zentroak, Iparraldean nahiz Hegoaldean dantzari gazteen prestakuntza sustatzeko eta errazteko eta gure ondare koreografikoa geure mugez haraindi hedatzearren arretaz egindako lana saritu nahi du.

Azkenik, Ekonomiari dagokion saria ONA Electroerosion enpresaren sortzaileetako bat den Karmel Onandiak jasoko du, euskal enpresa hau elektrohigadura makinen munduko fabrikatzailerik zaharrena da eta Europako Batasuneko ekoizle nagusia. ONAren historiak diseinua, berrikuntza eta kalitatea esan nahi du. Enpresa honen jarduera euskaldunek mundu zabalean egiten duten lan onaren adibide ezin garbiagoa da.

Datorren igandean Arriagan ospatuko den kultur ekitaldia Dorleta Alberdi eta Aitzol Zubizarreta kazetariek aurkeztuko dute eta Ara Malikian biolinistaren emanaldia gozatuko dugu.


353 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin