Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Kale-jantzian Donostiatik patruilan zihoazen bi ertzaini droga eskaintzegatik atxilotua 25 urteko gazte bat


2006-01-27 16:47

Oiartzungo hipermerkatu batean bideojokoak lapurtzen saiatzeagatik atxilotua 35 urteko beste gizonezko bat

DONOSTIA, 27 (EUROPA PRESS)

Ertzaintzak 25 urteko gazte bat atxilotu zuen atzo arratsaldean Donostian, droga-trafikoa leporatuta, haxixa eskaini baitzien kale-jantzian patruilan ari ziren bi ertzaini. Bestalde, euskal polizaren arabera baita, Oiartzungo hipermerkatu batean bideojokoak lapurtzen saiatzeagatik atxilotu du Ertzaintzak 35 urteko beste gizonezko bat.

Gipuzkoako hiriburuko gertaeraren kasuan, atzo arratsaldeko 18,30etan gazte batek Donostiako Konstituzio plazan patruilatzen ari ziren bi agenteri deitu eta haxixa eskaini zien, diru-kopuru jakin baten truke.

Jarraian, Ertzaintzako kideak zirela jakinarazi zioten eta atxilotu egin zuten. Ertzainek substantzia atzeman zioten eta, gorputza miatu ondoren, beste zati bat aurkitu zuten haren azpiko arropan.

Atxilotuak (A.F.) 25 urte ditu eta aurrekari polizialak zituen. Gaur goizean bertan eraman dute epailearen aurrera.

Bestetik, Ertzaintzaren agenteek 35 urteko gizonezko bat atxilotu zuten atzo Oiartzunen, hipermerkatu batetik bideojokoak lapurtzen saiatu ostean.

Atzo, gaueko bederatzietarako gutxi falta zela, Oiartzungo hipermerkatu bateko segurtasun-langileek bertan izandako lapurreta baten berri eman zuten. Antza denez, gizonezko batek 400 euroko balioa duten sei bideojokoren zigiluak hautsi zituela eta osteko asmoa zuela ikusi zuten merkataritzaguneko zaindariek.

Gertaera horien aurrean, zaindariek ustezko lapurra geldiarazi zuten Ertzaintzako patruila bat iritsi zen arte. Gertatutakoa egiaztatu ostean, ertzainek 35 urteko gizonezkoa (M.K.) atxilotu zuten.


301 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin